عفراء علوي محمدي- كود//

قررات عمالة إقليم الدريوش، اليوم الجمعة، منع التنقلات من وإلى المدينة إلا بالرخصة الاستثنائية، وهذشي ابتداء من الأحد الجاي، من بعد ارتفاع الإصابات بفيروس كورونا المستجد فالمنطقة.

وحسب قرار عمال جديد صدر اليوم الجمعة، فالرخصة كتعطى غير للضرورة المهنية أو الصحية أو الإنسانية، تسلمها السلطات الإدارية المحلية المختصة والمتكونة من الباشوات ورؤساء الدوائر.

كيف تمنع التنقل فالإقليم بعد العشرة دالليل، باستثناء التنقلات الضرورية لأسباب صحية ومهنية، بإضافة إلى إغلاق ملاعب القرب، والقاعات الرياضية والجرادي، واسواق القرب غيتسدو مع 3، والحوانت والقهاوي والريسطورات مع 9 دالليل، والطاقة الاستعابية ديال وسائل النقل العمومية تحددات ف50 فالمية.