من هنا لسيمانة.. اللي عندو شي طوموبيل أو موطور ففوريانات كازا ومجاش سحبهم غيتباعو
كود سبور – وكالات //
لبسو اللعابات ديال منتخب ألمانيا النسائي للجومباز، لبارح الأحد فأولمبياد طوكيو، لباس رياضي فشي شكل، شبيه بـ”اللباس الرجالي”، باش يحاربو أي طابع جنسي لرياضتهم، ويحتجو على تجسيد البنات فيه كسلعة جنسية.
هذ اللباس اللي كايغطي الرجلين كايلبسوه فالعادة الذكور، واللي كايتعرف بـ”اللباس الكامل”، بينما البنات منذ مدة ولاو تعرفو بلباس كايبين رجليهم كلها.
وكان الفريق الألماني لبس هاد “اللباس الكامل” لأول مرة فبطولة الجمباز الإستعراضي الأوروبية، فشهر أبريل اللي فات.
وكاتعتبر أولمبياد “طوكيو 2020” المؤجلة من العام الماضي بسباب جايحة كورونا، أول ألعاب صيفية من بعد ما صدر حكم بالحبس الطبيب السابق لمنتخب الجمباز الأمريكي، لاري نصار، ذو الأصول اللبنانية، لمدة 176 عام، بتهمة التحرش و الاعتداء الجنسي بمئات لاعبات الجومباز، منهم بطلات وقاصرات.