وكالات //

“تجاوبات” شركة صناعة السيارات الفرانساوية الشهيرة “سيتروين” (Citroën) مع الجدل والصداع اللي ناض على الفيديو ديال المغني المصري عمرو دياب اللي دار إشهار بان فيه كيشجع على التحرش والاعتداء على خصوصية الآخر خصوصا المرا.

الشركة اللي اعتاذرات قالت أنها كتحتارم كَاع المجتمعات وأن الإشهار تم تفسيرو “بشكل خاطئ”، حسب تبريرها، لكن واخا هاكاك قررات تمسحو وتحيدو من جميع المنصات.

ووضحات أن الغراض من المشهد المثير للجدل كان هو تسليط الضوء على إحدى تقنيات التصوير وماشي شي حاجة أخرى.