نجوى المالحي-كود//

ما حد المغرب باقي كيسجل في الإصابات بكورونا والفنانين ديالنا طايح عليهم الإلهام وأغنية وراء أغنية على هاد الجايحة حتى يحن الله.

لمياء الزايدي لي غبرات شحال هادي على الساحة الفنية، حتى هي رجعات ودارت أغنية جديدة بعنوان “أزمة وتفوت” وشاركها في العمل الممثل سعيد باي، وهداوها للمغاربة لي صبرو في ضل فيروس كورونا.

العمل الفني هو فكرة ديال سعيد باي وشارك حتى هو في كتابة الكلمات والألحان دارهم رضوان الديري والفيديو كليب تصور في الديور احتراما للحجر الصحي، وتمت عملية المونطاج من بعد.