نهضة بركان غيمشيو من مطار الجزائر للوطيل يرتاحو والكاف عطاهم ضمانات على التونيات
كود سبور//
عبر الرجاء الرياضي على الرغبة ديالو فالاحتفاظ بحارس المرمى مروان فخر، باش يبقى فالصفوف ديالو خلال الموسم الرياضي لي جاي.
مصادر مطلعة كشفت على أن إدارة الرجاء عرضت على مروان فخر البقاء فالفريق والتجديد، وأن الحرس خذا وقت للتفكير قبل ما يحسم فالقرار النهائي ديالو.
وكان مروان فخر إلتحق بصفوف الرجاء الرياضي فالانتقالات الشتوية الماضية، من فريق مولودية وجدة، بحيث كان سينا هذاك الوقت، مع الرجاء لمدة ديال 6 أشهر، انتهت مع النهاية ديال الموسم الماضي.
الرجاء الرياضي كيحاول يضمن الاستقرار والأمان ديال المرمى ديالو إستعدادا للموسم الرياضي الجاي، فمن بعدما ضمن البقاء ديال أنس الزنيتي كحارس أول للفريق، الآن باغي يخلي مروان فخر فالصفوف ديالو كحارس بديل، فالوقت لي كاينا إمكانية كبيرة لتسريح الجزائري مرباح غاية للدوري التركي بعقد إعارة، حيث عندو عرض تما.