17/04/2024 22:17
لامارين روايال عتقات 131 حراگ من دول أفريقيا جنوب الصحراء كانوا فجوج زودياگات شمال العيون
نجوى المالحي-كود//
البارح كان نهار طويل عند المغنية دنيا باطمة وسلطانة وفاتي جمالي بعدما دوزو ساعات في ضيافة الفرقة الوطنية في منطقة حي الليمون في كازا.
رجوع دنيا وسلطانة لعند البوليس كان باش يواجهوها مع مصممة الأزياء عيشة عياش لي تم ترحيلها من الامارات للمغرب، ولي يشتبه فكونها راس الحربة ديال عصابة حمزة مون بيبي لي كانت متخصصة في التشهير والسبان والابتزاز.
المعطيات الأولية كتقول أن عيشة عياش برآت دنيا باطمة وختها ابتسام، وهادشي لي خلا المصممة سلطانة تعصب وتخرج من عند الشرطة وهي معاجبهاش الحال.
وفي نفس النهار، سمعو البوليس للممثلة فاتي جمالي لي أكدات بدورها أنها من المتضررين من هاد الحساب وأنها سبق ليها حطات شكاية في الموضوع.