قضية مضيان والمنصوري معلكة وصعيبة تفك..العشا فدار حمدي ولد الرشيد بحضور قياديين فالاستقلال مخرجش بنتيجة
نجوى المالحي-كود//
من بعدما تجاوزت الأزمة، علنت المغنية هدى سعد، أنها دوزات أيام صعيبة بسبب الحادث لي وقع ليها، وهو فقدان جنينها لي كانت عندو 5 أشهر في كرشها.
وكتبت هدى في حسابها على انستكَرام: “لله ما أعطى، ولله ما أخد، شكرا لكم على مواساتي في فقدان جنيني في شهره الخامس، هادشي وقع قبل شهر ونصف وفضلت عدم النشر في حينها، تعبت نفسيا وتعذبت وما بغيتش ننشر محنتي محبة فيكم وكل واحد الله لي عالم بيه، خليت همي عندي وأنا اليوم أتمتع بالرضا وهدوء نفسي راجعين لثقتي في خالقي في كرمه وفي حكمته”.
هدى سعد نشرت فيديو آخر في الستوريات كتبكي وكتشكر الناس لي دعاو معاها، وقالت فيه أنها ما كانتش ناوية تشارك الخبر السيء مع المتتبعين ديالها، ولكن كلشي كيسولها على الحمل وكيدعي معاها بالفكاكة وهادشي لي خلاها تقول ليهم الحقيقة.
التدوينة ديال هدى سعد تفاعلو معاها بزاف ديال الناس، وحتى بعض المشاهير، من بينهم الفنانة السورية أصالة لي دعات معاها بالعوض.