نجوى المالحي – كود //
بطريقة غير مباشرة أكدت الممثلة فرح الفاسي انفصالها على راجلها الممثل عمر لطفي، بعد الشائعات اللي دارت عليهم في الأشهر الأخيرة، و اللي اختارو أنهم يتجاهلوها.
فرح الفاسي، وبمناسبة عيد الحب شاركت صورة على حسابها في انستكَرام وكتبت عليها “كل عام وأنتم الحب كله، يكفيني حبكم وحب ابنتي وحب أمي وأبي بزيادة، هادشي كله حيت مجاني حتى كادو”.
فرح الفاسي وعمر لطفي بعدما كانوا كيشاركوا صورهم مجموعين على حساباتهم في مواقع التواصل، وفي الفترة الأخيرة بعدو على بعضياتهم بلا ما يأكدو اشنو واقع.
ومن المنتظر باش تبان فرح الفاسي في الجزء الثاني من مسلسل “سلمات أبو البنات” لي مشارك فيه حتى راجلها عمر لطفي.
