اسماء غربي – كود//
محكمة مريكانية فمقاطعة “سكوت”، حكمات فاواخر ابريل، بإدانة صبيطار فولاية أيوا، بعدما تسبب فأضرار صحية لمهاجرة مغربية سميتها فاطمة بلحق.
وأمرت هيئة المحلفين المستشفى بدفع تعويض ديال 3.25 مليون دولار للمهاجرة المغربية.
ووقع هادشي ف2014، فاش دخلات فاطمة لصبيطار باش تولد، وتما قررو الأطباء يديرو العملية عن طريق توسيع فتحة المهبل.
وبعدما حسات فاطمة بالحريق بعد العملية، وقالتها للاطباء، قالولها كولشي داز مزيان وماكاين حتى مشكل.
وف2016، قررات فاطمة تدعيهم، وأكد دفاعها ان حالتها ماكانتش كتطلب هاد العملية، وأن الصبيطار ماداهاش فعلاجها.