اسماء غربي – كود//
الناشطة الفيمينيست ابتسام لشكر ماخلاتش فالفنانة سميرة سعيد، اللي تصورات مع سعد لمجرد في باريس قبل مايجي للمغرب.
واتهمات لشكر، في بوسط حطاتو على صفحتها الرسمية في فيسبوك، سميرة سعيد بالتطبيع مع ثقافة الاغتصاب والعنف الذكوري، ووصفاتها بالمشاركة بدون عقد فثقافة الاغتصاب.
وكتبات لشكر: من بعد ليلى حديوي، دابا سميرة سعيد.. ايه المتهم بريئ حتى تثبت إدانتو، ولكن هادشي فالمحكمة، وحنا دابا غير في فيسبوك ، وتصاور بحال هادو كتننشر ثقافة الاغتصاب وكتنقص من كرامة المشتكيات في قضية سعد لمجرد وكتقلل من قيمتهم وكلمتهم.
العنف الذكوري و ثقافة الإغتصاب Justice française phallocrate.Lamjarred de retour au bled. Non sans avoir rencontré une…
Publiée par Ibtissame Betty Lachgar sur Dimanche 18 août 2019
وزادت لشكر: افتراض البراءة حق كيفيد المتهم، ولكن حتى واحد ماكيهتم بكلمة الطرف المدني فالقضية، علاش ماكنهدروش على قرينة الضحية فبلاصة قرينة البراءة؟.