كريم الشركي – كود //

محسن الجزولي اللي كان وزير منتدب فالخارجية، مكلف بالعلاقات مع إفريقيا، تم تعيينو لبارح من طرف الملك محمد السادس وزير مكلف بالاستثمار.

الجزولي اللي تزاد عام 1967 فكازا، قرا ف ليسي “ديكارت” ف الرباط ومنو خدا البكالوريا الفرنسية فالقسم العلمي، وخدا الباك المغربي ف سيونس-ماط.

بعدها كمل قرايتو فجامعة “باريس الجنوبية” وخدا منها الماستر فأساليب تكنولوجيا المعلومات المطبقة على إدارة الأعمال (MIAGE) عام 1986، ثم فجامعة “باريس دوفين” خدا ماستر فالدعم فالقرار عام 1991.

وسنة 2018 تعين وزير منتدب فالخارجية، مكلف بالعلاقات مع إفريقيا، وقدم استقالتو من منصب الرئيس المدير العام لمجموعة Valyans اللي أسسها ملي دخل للمغرب.