كريم الشركي – كود //

إذا كانت الحكومة السابقة معروفة بالعثماني اللي خدا لقب بنعرفة، فهاد الحكومة غاتكون معروفة بوهبي اللي تيقوه المغاربة فاش كان كيقول فالحوارات ديالو وكيحلف ماياخذ شي وزارة في حكومة هو ماشي رئيسها. لكنه تبين بعد المشاورات التي جرت أنه كاين ف لاليست و تم تعيينو اليوم رسميا من طرف الملك محمد السادس وزيرا للعدل.

وهبي تولد عام 1961 بتارودانت وبدا ممارسة مهنة المحاماة وهو في 28 من عمره، سنة 1989، ومن تماك بدات كتبان ميولاته السياسية كمعارض، حتى دخل للبام وبدا كيتفنن فلعب دور المعارضة لإلياس العماري اللي كان أمين عام حزب الأصالة و المعاصرة.

وبعد مشاكل كثيرة وسط البام تقرر أن يعين وهبي أمينا عاما للحزب في فبراير 2020، ومن بعد انتخابات 8 شتنبر، تحالف مع الأحرار والتحق هو و عدد من أعضاء حزبه بتشكيلة الحكومة الجديدة.