النكَليز قررات تحبس واحد الراجل فالسبيطار.. متهم بحرق جوج ديال المصلين كانو خارجين من الجامع
كريم الشركي -كود //
عبد الوافي لفتيت اللي تعين لثاني مرة وزير للداخلية تزاد نهار 29سبتمبر 1967 بتفرسيت التابعة لإقليم الدريوش، تكنوقراطي كان خدام فالميناء المتوسطي ومشا منو عامل لعمالة بني مكادة وبعدها عامل لمدينة الناظور، ورجع مدير للميناء المتوسطي.
بعد هاد الرحلة تم تعيينو والي على الرباط، ثم بعدها غاياخذ وزارة الداخلية سنة 2016، وتم تجديد الثقة فيه مرة أخرى ليكون وزير داخلية فحكومة أخنوش الحالية.
لفتيت اللي قرا فمدرسة البولتكنيك فباريس، خذا من تماك دبلوم مهندس وكان أول تعيين ليه بمكتب استغلال الموانئ ليعين بين سنتي 1992 و2002 على رأس مديرية الموانئ على التوالي بكل من أكَادير وآسفي وطنجة، وبعدها غايبدا كيطلع بسرعة صاروخية فالمناصب، بسباب أنه كيشرك الليل بالنهار فالخدمة. هاد الشي خلص عليه باجراؤو لعمليات جراحية نجحات ليه.
لفتيت اول وزير داخلية فعهد محمد السادس كيطول اكثر من 5 سنين وكيتعين لولاتين. مع حكومة بنعرفة ومع حكومة اخنوش.