ملاك القوارب المعيشية فالداخلة: الأخبار على طي الضوسي ديال القوارب قفز على المكتسبات وإلتفاف على مطلبنا الأساسي
اسماء غربي – كود//
البارح قناة tf1 شوهات براسها ببرنماج Sept à Huit اللي فضحات فيه أطباء التجميل اللي دايرين لاباس فكازا. آش منك يا ترامي نشرات واش منك يا بزازل، وطبيب مقرب وجهو من مؤخرة ويضحك ويتصور بكل صفاقة.
الفرنسيين صبحو اليوم الاثنين خارجين فالقناة، وقالو باللي داكشي اللي دوزو وبالطريقة اللي دوزوه بيها مبتذل (vulgaire)، وسولو كيفاش طبيب يفضح على السر المهني ويبين سيدات بوجهم وعريانات، وكيفاش القناة سمحات بهاد الشوهة تدوز بلا رقابة واحترام للناس.
المانكان والمنشطة كوثر بودراجة، اللي حتى هي دوات فالروبرتاج واللي معروف عليها ما عندهاش مع التجميل، قالت ليهم بصريح العبارة باللي طبيب اللي كيصور المناطق الحميمية ديال المريضات تاعو كيخالف اخلاق المهنة.
البرنامج ما وقفش هنا، لكن رجع لقضية إيمان المؤثرة اللي ماتت في كلينيك فالرباط، وقال باللي توفات بسبب عملية نفخ المؤخرة وماشي حيت بغات تنقس الشحمة، حسب معلوماتهم.