كود- كازا//

قدر جلال عويطة، مول التطبيق “يتيمي”، يبيع زربية بنت صغيرة يتيمة فظرف 24 ساعة فقط، بسعر 20 ألف درهم، بينما تم شراءها غير ب250 درهم.

الزربية اللي فيها 0.9 × 1.3  فالعبار صايباتها البنت الصغيرة اليتيمة، وبغات تبيعها باش تاخد فبها مقابل 250 درهم، وطلبات من عويطة يعاونها.

تعرضات هذ الزربية الصغيرة ف”أنستكَرام”، وتزايدو عليها الناس حتى وصلو ثمنها ل15 ألف درهم فساعات قليلة، قبل ما يتحدد الثمن ف20 ألف.

وهذ التطبيق الرقمي فيه مراكز خيرية كثيرة كتعطي خدمات اجتماعية وطبية للمحتاجين، وخصوصا منهم الأطفال اليتامى.