على المواطن الجزائري أن يستفيد من خريطة المغرب! إذا فشلت في حياتك. أو في الحب. أو في أي امتحان. أو أصبت بكسر. أو بالتواء في الكاحل. فقل السبب هو خريطة المغرب
هناء ابو علي – كود كازا ///
الداخلية عارفة ان الاقتصاد هو المحرك وان الاجراءات اللي كاينة دابا كتوقف رويضة البيزنس. الاتحاد العام للمقاولات بالمغرب كان طلب من الداخلية انو عندو مشكلة بعد قرار وزير المالية والاقتصاد يطلق الحركة بعد العيد اي هاد السيمانا. كان مشكل ديال هاداك الترخيص ديال العمالات اللي بوحدو كيسمح للمواطنين يتنقلو بين عمالة لعمالة ومن ولاية لولاية.
وفق مراسلة لوزارة الداخلية حصلت عليها “كود” فان الوزير عبد الوافي لفتيت الغى هاد الوثيقة واكد في هذه المراسلة الموجهة لولاة الجهات وعمال الاقاليم ان “مسؤولي الادارات والمؤسسات العمومية والشركات الخاصة محتاجين دابا غير لاوردر دو ميسون فيه باللي الشخص اللي كيتنقل بين العمالات لاسباب ادارية او مهنية”.
دابا هاد الوثيقة ولات كافية. هاد الشي كيدخل فالرفع التدريجي لاجراءات حالة الطوارئ الصحية وعودة غير بشوية للوضع اللي كان قبل.