ظهور الإنسان المغربي الجليدي! آن الأوان لنحدث قطيعة مع مناخنا. فالحر الشديد ليس قدرا. وعلينا أن نتوفر على الإرادة لتبريد طباعنا وعاداتنا
كود كازا//
كانت طيحات الوزن، ماكتاكلش مزيان، ماكتهضرش، وحالتها غير طبيعية كيف قالو الأطباء حتى تقرر تدخل للإنعاش، قبل ثلاث ايام من مفارقتها الحياة، حسب ما قال حفيدها فتصريحو ل”كود”.
وزاد الحفيد شوقي، ان الحمداوية قبل موتها قالت للمغاربة “الله يسمح ليها مننا والله يسامح لينا منها”، وزاد “هي ماتت وباقا كتبغي الجمهور ديالها، وكتشكر سيدنا والاسرة العلوية”.
من جهتو، صرح خالد البوعزاوي، عضو فرقة ولاد البوعزاوي للعيطة، انه كان معاها فالايام الاخيرة دحياتها، وأنها كانت عندها علاقة مزيانة مع باه لبوعزاوي من الستينات ودارت معاهم اعمال.
بدورو، قال إدريس المرنيسي، فنان العيطة، اللي حتى هو حضر كنازة الحمداوية “هي محبوبة عند المغاربة كاملين، وكانت مناضلة، كانت عطاتني النمرة وقالت لي عنداك تنساني فاش مانت مريضة، وسبق لي زرتها فالسبيطار، وقالت لي مازال ننوضو ونضحكو ونشطو، لكن ماكتابش، الله يرحمها”.
وعرفات مراسيم دفن الحمداوية حراسة أمنية مشددة بسبب الظرفية الوبائية، كيف عرفات حضور باهت للفنانين.