كـود : عمـر المزيـن//

حصلت “كود” على شريط فيديو تصل مدّته إلى دقيقة و22 ثانية، يظهر فيه الرئيس السّابق لفريق المغرب الرياضي الفاسي والملياردير المعروف، مراون بناني، يذبح خروف بحال كيف كيدبح الملك. اييه السيد كيقلدو حتى فالدبحة. الفيديو تصور فكازا وتلاح دابا كيخلي الناس تعتقد انو فهاد العيد.

رجل الاعمال قال لـ”كود”: أنا أصلاً معيدنش هاد الفيديو. واوضح ل”كود” هاد عندو علاقة بالسابع ديال بنتي هادي شي 4 أشهر باش كان.

بخصوص ما اذا كانت شي جهة اتصلات بيه وجبدات ليه وذنو علي قبلو اوضح بناني “ما اتصل بي حد”، بناني اوضح ل”كود” انه كلف وكالة خاصة اللي “جابت عيساوة فالسابع ديال بنتي وكيدير الدقة المراكشية ودارت حتى الذبيحة بديك الطريقة وأنا معندي علاقة بهادشي”.

وتابع مروان بناني تصريحه لـ”كود” بالقول: “راه كاين الناس بزااف كتذبح بديك الطريقة ومعمرنا كنقلدو سيدنا وهو كبير علينا وهادي وكالة هي اللي دارت داكشي وتكلفات بالسبوع ديال بنتي”.