20/04/2024 12:30
وزير خارجية ايران: هجوم اسرائيل لعبة اطفال ولن نرد عليه لان مصالحنا لم تتضرّر
جمال بناصر – كود//
سميتو لحسن أولحاج، و فعمرو 26 عاماً، و ذاكشي اللي دار للروس ماعمرهوم ينساوه.. و النتيجة كانت أنه ربح الموسم الرابع من برنامج تلفزيون الواقع الروسي “المذهلون” بعدما تمكن من أنه ينتصر على بزاف ديال المشاركين اللي جاو من جميع أنحاء بما فيهم حاملين للأرقام القياسية في موسوعة غينيس.
أولحاج، ولد فاس اللي مازال تايقرا ف لافاك، عندو قدرة خارقة على حفظ أي حاجة شافها قدامو، و هاذشي اللي بينو ف الحلقة الاخيرة من البرنامج بطريق مبهرة، بعدما تمكن من التعرف على بيضة شافها للحظات قبل مايغطيو ليه عينيه و يحطوها وسط 200 بيضة كاتشبه ليها تماما و مع ذلك قدر يجبدها من وسط العرام لأنه كان حافظ المعايير و المقاييس ديالها.