19/04/2024 07:00
ها بروگرام الدورة 26 من البطولة والعصبة أجلت قمة الرجاء ضد بركان وحددت موعد ماتش براكنة وليفار فكأس العرش
هشام اعناجي- كود الرباط // تصوير: سفيان جبروني //
صورة لمتظاهر هازينو البوليس والمخازنية هاد الصباح فالرباط، دارت البوز ف الفايسبوك، كولشي كيهضر عليها بلا ما يعرفو السياق ديالها، وطبعا شي يساريين واسلاميين وفايسبوكيين وبعض المعارضين دارو من الصورة حبة قبة.
اجيو نشوفو حقيقة الصورة وعلاش تم توقيف المتظاهر:
1/ “گود” كانت حاضرة منذ بداية الوقفة الاحتجاجية ضد جواز التلقيح، الوقفة تمنعات فعلا، وهاد المنع بزاف رافضينو ومن حقهم، موراها تشبكات فاش رفضو المتظاهرين تحذيرات الأمن بضرورة فض الاحتجاج.
2/ الشخص لي فالصورة كان كيحتج َيغوت ويستفز، فاش كولشي تفرق، رجع هو لباب الأحد حدا السويقة وبدا يرفع شعارات. هنا بدأت قصة أخرى.
3/ الأمن دفعوه وقالو ليه حيد من هنا، مبغاش، طلبوه بالخاطر الشريف حيد من هنا، راك ملابسش الكمامة وراك خالفتي القانون، والو مبغاش.. طاح ليهم تما وبدا كيغوت.
4 / ف السويقة وحدا المارشي ديال الحوت، هاد المتظاهر دخل ف نقاش مع رجال السلطة وبدا يتحداهم وكيقاوم التدخل الأمني، هنا تدخلو باش يعتقلوه.
5/ قاوم الاعتقال لدرجة طيح جوج بوليسيين فالأرض حيث صحيح، هنا البوليس متقبلوش هاد الهجوم عليهم، وهزوهم بطريقة كاتكون فدول ديمقراطية فحال فرنسا اسبانيا أمريكا، هنا شي وحدين دارو عليه فيلم حقوقي.. واخا مشافوش بلي الضحية هنا هو البوليس ماشي المتظاهر.
ها اللايف، ها الفيديو، وها التصاور.. ونتوما حكمو:
