عمـر المزيـن – مكتب الرباط//

من بعد ما دارت ضجة وهلات الناس في مواقع التواصلوا يتسائلو على وضعيتها.  تسببات الدار اللي خارجة على سور مراكش وهارفة على طرف منو، فحملة جديدة للسلطات ديال مراكش، ريبات فيها ثلاثة ديال الديور حدا السور التاريخي في حي قبور الشو.

وحسب مصادرنا من مراكش، لـ”كود”، فإن السلطة حيدات دوك الديور بآليات كبيرة ومخططة تدير فبلاصطهوم جرادي للناس ديال الحومة كمتنفس، فإطار مشاريع الحاضرة المتجددة، وباش تحافظ على السور التاريخي.

وقالت لينا مصادر من السلطة، ان الدار اللي لي دارت ضجة فنفس الحي، غادي تريب السيمانة الماجية، خصوصا وانها دارت لينا شوهة في الداخل والخارج ، بعدما نشروا نشطاء ففرنسا صورها وكيف هرفات على السور بطريقة مستفزة.