24/04/2024 17:20
المطارات المغربية استقبلات كثر من 6 مليون مسافر وها المطارات اللي حيحات فهاد الفترة
كود كازا//
اليوم الاثنين مع الظهور كانت جنازة مهيبة لأيقونة فن العيطة، الحاجة الحمدوية، بحيث خرجات من دارها بدرب السلطان فكازا بحضور العشرات من محبيها وعائلتها وجيرانها، اللي بكاو بحرقة على فراقها.
وصلاو على الحاجة الحمدوية بمسجد الحاج علي الهواري بذات الحي، قبل ما يتم نقلها إلى مقبرة الشهداء.
ودازت مراسيم دفن الحمداوية تحت حراسة أمنية مشددة، وتوضعات باراجات لتفادي التجمعات فالظرفية الوبائية الحالية، بحيث تمنعات الصحافة من دخول المقبرة، ودخلو فقط ولادها وبعض أفراد عائلتها المقربين.
وفالوقت اللي حضرو محبيها وأقرباءها وعائلتها للمقبرة، تسجل غياب ملحوظ فصفوف الفنانين، باستثناء البعض اللي كان كيشتغل معاها فحفلات العيوط.