گنازة فالجزائر حيث الكابرانات خسرو ماتش نهضة بركان فالكاف وبواق نظام العسكر قلبوها بكا وشكا
كود سبور//
غيكون المدرب الكونغولي فلوران ايبنكي مضطر باش يرجع للمغرب ويتفاوض مع المسؤولين ديال فريق نهضة بركان لإنهاء العقد لي كيربطهم من بعدما قرر ينهي المشوار ديالو مع بطل كأس الكاف وكأس العرش بدون ما يعلم.
وكتجي هاذ الخطوة حسب مصادر خاصة لكود، من بعدما سافر المدرب ايبينكي قبل يومين للسودان، باش يتعاقد مع فريق الهلال السوداني لي باغيه يديربو العام الجاي.
ايبينكي وعلى حسب المصادر نفسها ولي مطلعة مزيان على الوضع ديالو غيجي اليوم للمغرب فرحلة جوية غتنزل فالرباط، وغيكون معاه وكيل الأعمال ديالو لي هو وكيل مغربي، باش يبحثو على صيغة ديال لفراق مع المسؤولين ديال نهضة بركان.
وأكدت نفس المصادر بلي أن هاذي هي الخطة لي رسمها المدرب الكونغولي مع الوكيل ديالو باش يسلو شوكتهم بلا دم، حيث انبينكي هو لي خرج العيب حسب الجمهور ديال نهضة بركان وقرر يغادر الفريق من بعدما كان لبركان فضل كبير باش يرجع للواجهة الإفريقية وربح معاه كأس الكاف ومن بعدها فاز معاه بكأس العرش على حساب الوداد الرياضي بطل المغرب والعصبة، قبل ما يقرر يهرب للسودان باش يسيني مع الهلال السوداني فوقت كانت عند المسؤولين البركانيين رغبة يخليوه مدرب فالفريق.