كريم الشركي – كود //

واحد المغربي بغا يهرب من البوليس نواحي كَاليسيا فإسبانيا، ناض رمى راسو فواحد الواد وسط لمدينة، وكان غايتجمد.

القصة حسب وسائل اعلام اسبانية، أن هاد الشاب المغربي اللي فعمرو 30 عام، كان فشي بار وسط لمدينة وناض الصداع بينو وبين شاب اخر، الأمور حسب المصادر ذاتها تطورت لعراك أنهاه المغربي بضربات كادت ان تودي بحياة الضحية.

البوليس ملي جا، ناض المتهم بغا يهرب منهم ورمى راسو فالواد وبقى فوسطو شي ساعة عاد من بعد سلّم راسو للبوليس، ليتم تقديم المساعدة الطبية له قبل اعتقاله.