الرئيسية > آراء > باش فرض الياس العماري بنشريف يدير حوار مع “الهمة”. ها اللي كان غادي يديرو والقناة ما بغاتش عبد الصمد والسبب “خدم بشكل او باخر فحملة بنگرير
19/05/2020 09:00 آراء

باش فرض الياس العماري بنشريف يدير حوار مع “الهمة”. ها اللي كان غادي يديرو والقناة ما بغاتش عبد الصمد والسبب “خدم بشكل او باخر فحملة بنگرير

باش فرض الياس العماري بنشريف يدير حوار مع “الهمة”. ها اللي كان غادي يديرو والقناة ما بغاتش عبد الصمد والسبب “خدم بشكل او باخر فحملة بنگرير

احمد الطيب الرباط ///

نهار 14 ماي من هاد الشهر كتب عبد الصمد بنشريف الصحافي مدير “الثقافية” التابعة للشركة الوطنية للاذاعة والتلفزيون تدوينة٬ فيها “خلال شهر رمضان سنة 2007. وبعد وجبة الإفطار استضفت السيد فؤاد عالي الهمة، الذي يشغل حاليا منصب مستشار جلالة الملك محمد السادس، في برنامج خاص و مباشر بصفته آنذاك فائزا بدائرة الرحامنة باسم لائحة الكرامة والمواطنة ، في أعقاب الإنتخابات التشريعية التي جرت في شتنبر 200”

وزاد باللي البرنامج استضاف شخصيات٫ ثم اضاف “أعتقد أن هذا اللقاء الذي خص به السيد فؤاد عالي الهمة القناة الثانية هو حتى الآن المناسبة الوحيدة التي تحدث فيها مباشرة ومطولا عبر تلفزة عمومية. هنا مجموعة من الصور. من بينها واحدة تجمعني بضيف الحلقة والسيدة سميرة سيطايل مديرة الأخبار سابقا والسيد مصطفى بن علي المدير العام السابق للقناة الثانية. الصورة التقطت قبل إنطلاق البرنامج في الطابق الرابع حيث يوجد مكتب المدير العام وقاعة الإجتماعات والاستقبالات”. 

بنشريف ما قال والو جديد فهاد الشي. عوض ما يحكي اش وقع وكيفاش هو اللي حاور الهمة٬ اختار هاد التدوينة. اللي كاين وراه هادو اللي كانو يسيرو القناة كلهم مازال عايشين هو ان الهمة بغى يدير حوار. ايلى كنا فمنطق السياسة ما خاص حتى شي قناة تستقبلو. واحد استاقل وجاب 3 مقاعد فالرحامنة ومن بعد. ولكن الهمة كان عندو مهمة اخرى. كان كيوجد ل”الاصالة والمعاصرة”. عطاوه القناة باش يضرب “العدالة والتنمية”.

بنشريف غادية تبقى فالسيڤي ديالو انو كان ڤيترين وصافي. وحتى هاد الڤيترين ما كانش غادي يكون فيها. الادارة العامة وفق مصادر متطابقة ل”كود” كان عندها مرشح واحد هو توفيق الدباب الرجل الثاني فمديرية الاخبار بالقناة الثانية. سميرة سيطايل بغات تكبر بالهمة وتعطيه صحافي مهم. كون كان بغى يديرو بالفرنسية كون هي اللي ديرو، كيف دارت مع مسؤولين اخرين ولكن الهمة كان همو يوجه خطابو بالعربية بالدارجة.

كان صحافي اخر بمنطق العمل الصحافي مرشح لهاد الحوار هو جامع كولحسن. غير هاد الصحافي ما عندوش امو فدار العرس. 
هاد الشي علاش خرج بنشريف. وفق مصادر “كود” دخل الياس العماري الرجل النافذ فديك الوقت وفرض ولد منطقتو . 

مالين دوزيم كانو معتارضين عليه تضيف مصادر “كود” لانو شارك بصيغة او باخرى فحملة الهمة فبنگرير. 

البرنامج كان دار نقاش كبير. دوزيم حصلات بعد ما مشات البي جي دي للهاكا. ومن بعد عطاوهم الحق فلانطين يدرو على الهمة. 

السي عبد الصمد لبق وضريف كانسان غير هو كانو يكون مع مبادؤو يحكي اش وقع ويبعد من الانشاء او يطبق بعض ما كيقولو ويخدم منصبو وما يبقاش تابع الفايسبوك. 

موضوعات أخرى

29/03/2024 12:25

خاص.. وضع المنسقة الجهوية لحزب سياسي بجهة فاس مكناس فالحراسة النظرية بسبب قضية كبيرة ديال النصب والاحتيال والتزوير

29/03/2024 12:00

السلطات المغربية قبلات العودة ديالهم.. گاع الحراگة اللي استغلو الموڤيطا ديال الثلاثاء الفايت وحرگو لسبتة رجعو تا اللي بالغين ودارو راسهم قاصرين

29/03/2024 11:30

الدريب لـ گود: الناصيري عطى لكثير للوداد وهادي صفحة وطويناها ودابا حقبة جديدة برئاسة البرناكي وغنخدمو لإرضاء الوداديين

29/03/2024 11:00

البوليساريو بغات تستاغل الرئيس السنگالي الجديد وكتزاوگ فيه يدير معاها علاقات

29/03/2024 10:40

جدل امتحان البيرمي.. “نارسا”: كاين تطور إيجابي فنسبة نجاح المترشحين فاليوم الرابع ووصلات لـ54,41 فالمية

29/03/2024 10:30

بلقشور: الوداد تحملو مسؤوليتهم والجموع العامة دازت مزيان وتم التصويت على گاع التقارير ومبروك عليهم

29/03/2024 10:21

تقرير رسمي: أسعار الصناعات الغذائية فبلادنا تراجعات وإنتاج وتوزيع الما والضو مستقر

29/03/2024 10:00

دقة تابعا دقة فـ”قضية تمويل فرحان” مول الشروق. بوصوف كان غادي يدير درس حسني قدام سيدنا ويقدم كتابو ليه وحيدوه