كود- عن Le soir//

ماغاتبقاش شركة لوفتهانزا للطيران فأوروبا تستعمل عبارة “السيدات والسادة” باش تخاطب الركاب خلال الرحلات، فشكل من اشكال الحياد فالتعامل بين للجنسين.

وأكد المتحدث باسم الشركة لوكالة “فرانس بريس” أن الطاقم ديال الرحلات غيولي يعتمد خطاب موجه لجميع الركاب بلا تمييز بيناتهم.

وزاد أنه غيوليو يستعملو عبارات بحال “صباح الخير”، و”الركاب الأعزاء”.

واكد ان هذ العملية غادي تستغرق بعض الوقت باش تتفعل، ويولي هذ الخطاب معتمد فجميع فروع الشركة، واللي كتشمل الخطوط الجوية النمساوية، والسويسرية وديال أورووينكَ وبروكسيل إيرلانز.

وماغيتستعملش هذ الخطاب على الركاب بوحدهم بل حتى فجميع أنشطة المجموعة.