عفراء علوي محمدي- كود//

باش تواجه ارتفاع عدد الإصابات والحالات الحرجة ديال فيروس كورونا المستجد فالجهة، زادت المديرية الجهوية لكازا سطات من الطاقة الاستعابية لسبيطار مولاي يوسف، بإضافة 120 سرير إضافي.

هذ الاسرة مخصصة للحالات الحرجة المصابة بالفيروس، اللي كتستدعي العلاج فالسبيطار.

وحسب بلاغ للمديرية الجهوية، فمع هذ الإضافة ديال 150 فالمية من الأسرة، صبح العدد الإجمالي ديال الأسرة هو 200 سرير فالطوطال، خاص بحالات كوفيد-19

وفالبوسط ديالها، شكرات المديرية كَاع الاطر الصحية وروح المسؤولية والمواطنة اللي كيتحلاو بيها، من خلال السهر والتضحية من أجل المرضى، للتغلب على هذ الجايحة.

https://m.facebook.com/story.php?story_fbid=4179957152053883&id=315802128469424