نجوى المالحي- كود//
“كود” جابت تبركيكة جديدة كتقول ان الجائزة لي خدات دنيا باطمة من مصر هادي عام تقريبا كانت خلصات عليها المنظمين باش تحيدها للمنافسات ديالها وتاخذها هي.
الخبر لي عند “كود”، كيقول ان واحد من صحاب دنيا المقربين، عندو علاقات مع السمسارة ديال الفن في مصر، وهو لي توسط ليها باش تاخد هاد الجائزة، وخلصت عليها تقريبا 5 مليون سنتيم مغربية.
السؤال لي كيتطرح هنا، بعيدا على عدم الشفافية لي كاينة في هاد البرامج، هو شنو لي يخلي دنيا باطمة بصوتها الاستثنائي أنها تلجأ لهاد الطرق الغير اخلاقية باش تربح.
المصادر لي قريبة من باطمة قالت لـ”كود” ان السبب علاش خلصات على الجائزة هو المعركة لي دخلات فيها مع سلمى رشيد وابتسام تسكت، وبزاف ديال الفنانين الشباب لي سدات عليهم الطريق لهاد الجائزة.