كود – عن Ok Diario//

كشفت يومية “اوكي دياريو” معطيات على ثمن علاج ابراهيم غالي زعيم البوليساريو فصبيطار لوگرونيو ب”لاريوخا” فالشمال الاسباني. فقد اوضحت ان 44 يوم ديال العلاج كلفات المالية العمومية الاسبانية بوحدها 100 الف اورو.

غالي كان وصل فطيارة خاصة طبية من نوع “گولف ستريم ا ڤي اس بي”” يوم 18 ونزلوه فمطار ثاراگوسا العسكري. دوز فيه كيف قلنا 44 يوم. فيه السرطان وضرباتو كورونا. علاش جابوه لاريوخا؟ حقاش رئيسة الجهة كونسيبسيون اندرو من الحزب العمالي الاشتراكي “بي سو اي” ومعروف عليها صداقتها ودفاعها على البوليساريو. نية الصبليون وحكومتو الاشتراكية من اللول ناقصة وبزاف.

حسب مصادر صحية لنفس الصحيفة “اوكي دياريو“ فان هاد ليام طلعات بكثر من 60 الف. حقاش يوم فالانعاش الخاص بكوفيد كيطلع ما بين 1400 و1600 اورو. غير التطبيب ما بين 61 الف و66 الف اورو.

حسب اليومية فان مصاريف خسراتها الداخلية باش تحميه وتكون حدا الصبيطار فهاديك 44 يوم طلعات ب40 الف اورو. هاد الشي غير البوليسالمخابرات حتى هي دارت استنفار باش عرفات المخابرات المغربية كاينة فهاديك المنطقة.

هاد الشي بلا ما نهدرو على طيارة طبية جابتو من الجزائر لاسبانيا واخرى كراتها الجزائر من بوردو باش تهزو من اسبانيا للجزائر ليلة الثلاث وصباح لاربعا 2 يونيو 2021. طيارة طبية مشى معاه شي 6 اشخاص كانو معاه. هادو الرحلات يقدرو يوصلو ل10 الاف اورو هاوكر بيش كرافت.

نزيدو عليهم اوطيل هادوك اللي جاو مع غالي. جرائد اسبانية هدرات على 6 اشخاص. بعملية حسابية ايلى كان كل واحد لقاو ليه اوطيل ب100 اورو وعطاوه غير 50 اورو فلوس الجيب وهاد الشي قليل. هاد الشي غادي يزيد يكلف الخزينة الجزائرية 39600 اورو. تقريبا اربعين الف اورو. طبعا باش تكون قضية بحال هادي راه سفارة الجزائر وقنصلياتها كلها فحالة استنفار. يعني تقدر تخسر على الاقل فالنهار قرابة الف اورو. فيها تنقل المسؤولين وتحركاتهم وخدمات اخرى. يعني 44 الف اورو اخرى.

هاد الشي كولو من فلوس الشعب: الاسباني والجزائري..