الرئيسية > كود-تيفي > باسم يوسف قصف المتخلفين والميزوجينيين: تشبيه المرا بالمصاصة تحقير ليها وانتزاع لآدميتها.. واللباس والشهوة الجنسية ماشي مبرر للتحرش – فيديو
07/07/2020 00:00 كود-تيفي

باسم يوسف قصف المتخلفين والميزوجينيين: تشبيه المرا بالمصاصة تحقير ليها وانتزاع لآدميتها.. واللباس والشهوة الجنسية ماشي مبرر للتحرش – فيديو

باسم يوسف قصف المتخلفين والميزوجينيين: تشبيه المرا بالمصاصة تحقير ليها وانتزاع لآدميتها.. واللباس والشهوة الجنسية ماشي مبرر للتحرش – فيديو

عفراء علوي محمدي- كود//

مقدم البرامج المصري الساخر باسم يوسف عطا للمتخلفين درس فالأخلاق، خصوصا منهم الميزوجينيين اللي كيعتبرو المرا هي المسؤولة على التحرش بها بسبب لباسها، واللي خرجو ينشرو الجهل ديالهم بعد حادث تحرش واعتداء طالب على 50 طالبة فالجامعة الأمريكية فالقاهرة، منهم قاصرات.

يوسف حط فالصفحة ديالو الرسمية على موقع التواصل الاجتماعي “فيسبوك” فيديو قال فيها بللي المرا ماشي حلوة مكشوفة، وماشي بطيخة مفلوقة لجوج، وماشي مصاصة مكَجكَج عليها الذبان، ماشي طوموبيل محلولة وكلشي فيها باين، بل هي بنادم، كائن حي، عندو اختياراتو، وتشبيهها بالجماد انتزاع لآدميتها واحتقار ليها.

وزاد الإعلامي الساخر كيقول “من حق المرا تقرر آش تدير بجسدها، كيف منحقها تحس بالأمان فاش تنزل للشارع، وهذشي من المفروض نتجاوزوه ومايبقاش موضوع للنقاش أصلا”.

Publiée par Bassem Youssef sur Dimanche 5 juillet 2020

وأكد أنه ماكاينش مبرر لتحرش، والسبب الوحيد ديال التحرش هو المتحرش “والأزهر قالت براسها هذ الكلام، حيت إلى كان هو اللباس علاش كيتم التحرش بالمحجبات؟ وعلاش كبتم التحرش بالأطفال، وعلاش كيتحرشو المتزوجين واخا مامحرومينش جنسيا”، على حساب هضرتو.

وتعجب كيفاش المتحرشين المصريين كيتحرشو ببنات بلادهم، وفاش كايخرجو برا واخا يدوزو قدامهم العيالات عريانات ماكيقربوش ليهم، “حيت المتحرش عارف بللي الدول برا دايرة قوانين صارمة ضد التحرش، ومايزعمش يبسل على حتى وحدة، وبالتالي يستبيح غير بنات بلادو”، كيف قال.

موضوعات أخرى

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري

28/03/2024 23:30

جثة مجهولة كلاوها الكلاب فالطريق بين العيون وفم الواد دارت استنفار فالجوندارم

28/03/2024 23:00

الفيفا طالبو الصبليون يوضحو لهم تهم الفساد المالي الموجهة للرئيس السابق روبياليس وللمعتقلين فالقضية