اسماء غربي – كود//

نهيلة أمقلي، ملكة الجمال لي ناصبة على شعب ديال البشر عوض تحشم شوية وتمشي تتكمش، مازال زايدة فيه.

بنت مراكش لي عايشة في الخليج وهي ما ملكة جمال ما والو كيفما نشرنا في خبر سابق على “كود”، بغات ترجع الحياتها العادية بعدما قتلات جوج دراري برونج روفر ديالها.

هاد الصباح، نشرات تصويرة كتبان فيها سيكسي لايدي، بمؤخرة كبيرة عريضة وكتبات “ما شاء الله”، أواه؟ علاش ما شاء الله زعما أ لالة نهيلة؟!

تصويرة معحباتش الناس وحطوها في دريات في المجموعات الخاصة وطلعوها عليها مزيان.

المهم الانسة نهيلة راها ما ملكة جمال الكون  ولا ملكة جمال المغرب ولا ستة حمص، ولي بغا يتأكد يمشي الموقع ملكة جمال الكون الرسمي مافيه تا اشارة ليها، ومزال كاع ماختارو ملكة جمال الكون لسنة 2018.