كود علي الصافي العيون ///

قال الداهي اكاي٬ رئيس جمعية مفقودي البوليساريو٬ فتصريح ل”كود” باللي لحد الان مازال كنتأكدو واش الجلاد ابراهيم غالي =زعيم البوليساريو= كاين فمستشفى فسرقسطة . واضاف اگاي ل”كود” “ايلى تبث ميدانيا ان ابراهيم غالي موجود فاسبانيا٬ غاديين نكونو تماك وراه قرار المحكمة الاسبانية جاهز باش يتم تقديمو للمحاكمة”.

وكان مصدر من الخارجية الصبليونية اكد لوكالة الانباء الفرنسية ان غالي كاين وكيتعالج.

اگاي اكد ل”كود” ان غالي عذبو بعد ما اعتقلو وكتفو مع اخرين.

غالي عندو قضايا اخرى متابع فيها وهي التعذيب والاغتصاب. شي وحدة تاهماتو بهاد التهمة بالاضافة الى قضية باخرة طاگو ماگو الكنارية اللي كان فيها 300 صياد وتم قصفها من قبل البوليساريو فالسبعينات من القرن الماضي. شهادات كتهدر على دور غالي فهاد الشي.

اكاي اكد ل”كود” باللي خاصو يتحاكم على جميع جرائم البوليساريو باعتبارو امين عام الامانة العامة للبوليساريو.

اگاي سبق واكد ل”كود” باللي هاد الدعوة فاسبانيا مرفوعة باسم جمعية الجمعية الصحراوية للدفاع عن حقوق الانسان وان الشكاية تقدمات ف2007 لانها جمعية اسبانية وجاو المحامين للعيون وتلاقاو الضحايا وف2012 استدعانا قاضي المحكمة العليا يتعلق الامر بالحسين بيدا والداهي اكاي وسعداني ماء العينين” يشرح اكاي ل”كود”.اكاي اوضح فوقت سابق٬ دعما لروايته في تصريحه ل”كود” “كلسنا مع القاضي وقال لي اش نا هو دليلك على حبس الجبهة ليك وتعذيبك؟ مديتو بتقرير للمخابرات الاسبانية سنة 1975. بعد ذلك دار لينا الخبرة الطبية وبالفعل قرر القاضي فتح القضية. فيها غير حنا ب3 مع الجمعية ورمضان ما كاينش فيها.