كود هناء ابو علي ///

كثار اللي كتبو باللي اليوم غادي يكون عقد قران بين هشام ايت منة والفنانة المعروفة اسماء لمنور. زوجوهم گاع بلا خبارهم. “كود” سولات ايت منة اللي استغرب من هاد الاشاعات اللي طلقو عليه فوقت قصير. واكد ل”كود” باللي ما كاين لا عقد قران لا والو.

ايت منة اكد ل”كود” باللي البارح دار سهرة عادية عائلية عرض على صحابو وخدات تأويلات كثيرة “كانت سهرة عادية فيها عائلتي وولادي وصحابي واسماء =لمنور= ما كانتش وكيهدرو عليها.

قبل هاد الفايك كانو روجو باللي دار خطاب باش يعلن استقالتو العمل السياسي وهاد الشي غير كذوب. كلشي  اللي حضر الصواري البارح عارف باللي ايت منة ما هدرش اصلا وهاد الصباح كان فالمجلس البلدي للمحمدية اللي هو رئيسو.