كود ياوندي ///
رئيس شباب المحمدية هشام ايت منة جمع هاد العشية فملعب احمدو احيدجو فياوندي جوج اسطورات فالكورة الكاميرونية: روجي ميلا وصامويل ايطو.
جابهم بجوج لماتش المغرب الاول ضد غانا عن المجموعة 3 من نهائي كاس افريقيا اللي فالكاميرون.
ايطو كان قال لـ”كود” فالصباح باللي غادي يحضر. وميلا كان دار تصريح واعتاذر عليه للمغاربة ودابا جاي يعتاذر كثر بهاد الحضور.
ايت منة صحابو بجوج وكان دار حملة لانتخاب ايطو فجامعة الكاميرون، وكان جاب ميلا للعيون باش لعبو ماتش مع نجوم العالم.
