عمـر المزيـن – كود الرباط//

وصل نقاش بين أستاذة والتلاميذ ديالها على قيم العلمانية والحجاب، في إحدى المؤسسات التعليمية بمدينة تولوز الفرنسية لعند البوليس..

هاد الحادث اللي كشفات عليه صحيفة “Le parisien” الفرنسية وقع فاش هدرات الأستاذة مع تلاميذها على الحجاب واكدات انه في فرنسا الناس عندهم حقوق اكثر من في السعودية، بعض التلاميذ ردو عليها ان الشريعة الاسلامية حسن من القوانين الفرنسية.

وحسب المصدر نفسه، فبعد الحصة تلميذة وجوج اخرين تلقاو للأستاذة وسبوها بسباب هدرتها على الحجاب والعلمانية، و قررت هاد الاخيرة  تقدم شكاية ضد التلميذة اللي مازلة قاصر عند عناصر الدرك الفرنسي.

وكشفت الصحيفة الفرنسية بأن التلميذة أحيلت على المحكمة بتهمة السب والشتم في حق الأستاذة وتهديدها، وستة تلاميذ اخرين تدارو تحت الحراسة النظرية. اما المدرسة فعقبات ثلاثة تلاميذ فهاد القضية.

رابط المقال الاصلي:

https://www.leparisien.fr/faits-divers/port-du-voile-une-eleve-mise-en-examen-pour-avoir-insulte-une-prof-a-toulouse-21-10-2020-8404384.php