كود مراكش //

اهتز شارع فرنسا وسط عاصمة النخيل مراكش، صباح اليوم السبت، على وقع انفجار موطور في حادثة سير مورعة خلعات الناس اللي كانو قراب من مكان هاد الكسيدة.

وحسب شهود عيان لـ”كَود”، فإن شي بيكالة كانت غادي تصاطح مع الموطور وفاش يهرب عليها دخل فشي حديدة.

بسباب هاد الكسيدة الموطور تفركَع الشي اللي خلع الناس اللي كانو قراب من تما و غالبيتهم حاولو يتخباو فـ العمارات المحاذية لمكان الحادث.

البومبية، حسب مصادر “كَود”، طارت لمكان الحادث وبدات تطفي العافية، في الوقت اللي البوليس فتح تحقيق باش يعرف أسباب الحادث.