ها المعقول..استثمار صيني كبير فالمغرب بـ3 مليار درهم لانتاج بطاريات السيارات الكهربائية غايوفر 2500 منصب شغل وبلادنا هربات على لالجيري فصناعة السيارات
كريم الشركي-كود///
الرئيس الجديد للبيرو بيدرو كاستيو، لي ربح الانتخابات اليوم فرحوا بيه لمغاربة حقاش معلم رجع رئيس.
هاد الفرحة دلمغاربة تقدر ترجع ببومزوي، حقاش هاد السيد كينتمي لحزب “بيرو حرة”، لي تأسس ف2007 وهو نتاج لمد الاحزاب المتطرفة فالعالم فالعقود الاخيرة.
حزب بيدرو كاستيو كيحارب الامبريالية وكيآمن بتحرر الشعوب، وبحالو بحال بوديموس ديال اسبانيا جاو باش يديرو التغيير وطلعو بشكل صاروخي فوقت وجيز، حقاش الناس عياو من الخطاب الكلاسيكي، ورجعو كيدعمو اليمين المتطرف واليسار المتطرف.
طبعا لمغاربة شايفين غير أنه معلم وطلع رئيس وفرحانين، ماعارفينش ان هاد المعلم لي ماعندوش خبرة دبلوماسية يقدر يرد بلادو كتعتارف بالبوليساريو بعدما كانت وقفات الاعتراف بيها وقطعات معها العلاقات سنة 1996.