الرئيسية > ميديا وثقافة > ام بي سي المغرب اخر وسائل محمد بن سلمان باش يحسن صورتو لمشوهة وباش السعودية الوهابية تسوق تخلفها
25/03/2019 16:33 ميديا وثقافة

ام بي سي المغرب اخر وسائل محمد بن سلمان باش يحسن صورتو لمشوهة وباش السعودية الوهابية تسوق تخلفها

ام بي سي المغرب اخر وسائل محمد بن سلمان باش يحسن صورتو لمشوهة وباش السعودية الوهابية تسوق تخلفها

كود كازا ////

مجموعة “ام بي سي” السعودية بعد تجربة “ام بي سي مصر” قررات تلوح “ام بي سي المغرب”. تجربة جديدة جات باش تسوق صورة ولي عهد السعودية محمد بن سلمان المشوهة منذ قضية قتل الصحافي السعودي المعارض لنظامه في قنصلية السعودية باسطمبول. ماشي غير قتل بل ذبحوه وقطعوه والبقية مازال ما تعرفاتش.

محمد بن سلمان كان شد باطرون القناة البراهيم مع عدد من لملايرية ففندق ريتدز فالرياض. كان معاه امراء بحال الوليد بن طلال. دابا القنوات كلها عندها خدمة وحدة هي تسويق صورة مشرقة عن بن سلمان ويغسلو قضية خاشقجي اللي ما عمرها تمحى.

هاد القناة اللي باغية تنتج عدد من الاعمال الدرامية وخدامين مع هيئة الترفيه اللي دارها بن سلمان وعطاها لتركي ال الشيخ اللي كان فهيئة الرياضة وفضل يصوت ويدعم امريكا على دعم المغرب فتنظيم مونديال 2026 . قناة غادية تنتج التخلف والرجعية على عادة ال سعود.

الدولة المغربية كتفرج فهاد الشي. هاد المجموعة فيها العربية” اللي هادي مدة قصيرة دارت ربورطاج كتسمي الصحراء بالغربية وكتوصف المغرب بالمستعمر. هاداك محمد بن سلمان لا ثقة فيه. مشاريعو غير لتحسين صورتو. لقى منتجين متخلفين كيموتو على الريال.

ال سعود بعد ما خربات بلدان بالوهابية باغية تجرب الفن

موضوعات أخرى

28/03/2024 14:00

وزير النقل للساقطين فامتحان البيرمي: غانعطيوهم فرصة جديدة ومغاديش يتحسب امتحان الاثنين والهدف من الأسئلة الجديدة هو نقصو من الكسايد

28/03/2024 13:00

“الهاكا” مسؤولة على فضيحة “مومو” مع “هيت راديو”. كيفاش تعطلات تخرج قرار فاكثر منشط عاقباتو

28/03/2024 12:30

من هنا لسيمانة.. اللي عندو شي طوموبيل أو موطور ففوريانات كازا ومجاش سحبهم غيتباعو

28/03/2024 12:20

جنايات فاس فرقات 33 عام ديال الحبس على ريزو د التهجير السري وها التهم اللي تابعوا بها

28/03/2024 12:19

ليلة “العشاء الأخير” فحزب الاستقلال: هادي 3 قضايا كبرى غادية تشعل حروب ف “الميزان” قبل وبعد المؤتمر

28/03/2024 12:10

جوندارم الدروة طيحو  بزناز عندو الحشيش والبوفا والغبرة والقرقوبي نواحي برشيد