كود كازا ///

رئيس الحكومة ولكن هاد المرة بالكاسكيطة الحزبية كامين عام للبي جي دي قال اليوم فاكادير فلقاء نظماه شبيبة حزبو عاود هاجم القاسم الانتخابي. قال للاحزاب اللي دافعات عليه باللي تجموع على حزبو حقاش حزبو ينافسوه بما سماه “العمل النزيه والشريف” واكد ان هاد الشي اللي داروه “داروه باش يأثررو على قدرات ونتائج المصباح”.

امين عام العدالة والتنمية توضح ان حزبو غادي يواجه “القاسم الغريب والشاذ وغير الديمقراطي، ولتوضيح الأمر للمواطنين” وقال باللي معول على ذكاء المواطنين.

كما استغرب نفس المسؤول الحزبي ما سماه الممارسات السريالية. وقال باللي كنشوفو اليوم ممارسات من “خلال سلسلة الاعداد للانتخابات المقبلة بالأمور السريالية، وبأنها غريبة وعجيبة”.

اعتبر ان هاد القاسم الانتخابي هدفو يبلق الجماعات الترابية ويأثر من فرص العدالة والتنمية فالانتخابات المقبلة”.

وحمل مسؤولية هاد الشي اللي غادي يوقع للاحزاب اللي دافعات على هاد القاسم.