الرئيسية > كود سبور > امراء كيشجعو اسود المملكة فياوندي. مملكة بامون كتبايع “سيدنا” من ديما وحضرو ناسها للماتش
12/01/2022 13:00 كود سبور

امراء كيشجعو اسود المملكة فياوندي. مملكة بامون كتبايع “سيدنا” من ديما وحضرو ناسها للماتش

امراء كيشجعو اسود المملكة فياوندي. مملكة بامون كتبايع “سيدنا” من ديما وحضرو ناسها للماتش

كود ياوندي ///

فماتش المغرب ضد غانا بياوندي هادي يومين عن اولى ماتشات المجموعة الثالثة من كان الكاميرون٬ كان جمهور كيشجع المنتخب. شجعو مزيان. غير هما ماشي مغاربة. فيهم شي عدد قليل بزاف من لمغاربة.

هادو حسب ما جمعات “كود” من معطيات، من مملكة بامون. مملكة عندها ارتباط مع المملكة المغربية من العهد الموحدي. اييه يا سيدي دولة ضاربة فالتاريخ.

https://fb.watch/auzcqO3s9k/

فالمدرجات كان امير حتى هو كيشجع اسمو جمال عبد الناصر. متزوج من مغربية وهو حفيد ملوك هاد المملكة. جا وجاب معاه مواطنو المملكة باش يشجعو دولة حافظات على علاقتها بالمغرب.

هاد المملكة راها ديما كتقدم البيعة لملوك المغرب. كيقدموها كل عام دابا لسيدنا. حتى مملكتهم حسب احد زوارها ل”كود”٬ فيها التراث المغربي فالهندسة فالمعمار. مملكة قوية. سايدو ولد الملك اللي مات كان ترشح للجامعة الكاميرونية لكرة القدم ضد اللاعب المعروف صاومويل ايطو. فاللخر داها النجم الكاميروني.

دابا فماتشات المغرب غادي يكون هاد الحضور الاميري. كيشجعو لبلاد بصدق. ما وقفوش واخا بغى يركب على هاد الشي هاداك الظلمي. الساعة ما عقلوش عليه.

موضوعات أخرى

28/03/2024 09:00

محكمة فالصبليون برأت المتهمين فقضية لكسيدة اللي ماتو فيها 8 ديال المغاربة ف اسبانيا عام 2008

28/03/2024 07:00

سمية الخشاب دخلات طول وعرض فبرنامج الكاميرا الخافية ديال رامز جلال: هادي جريمة كيعاقب عليها القانون

28/03/2024 03:00

السروال ديال مقدم برنامج بريطاني داير أزمة فكوريا الجنوبية.. ها شنو دارت القناة ديالهم- فيديو

28/03/2024 02:00

مصور عندو 71 عام اتاهم الوالد ديال تايلور سويفت أنه تعدا عليه بالضرب ملي كان كيصورها