كود كازا ///

يتوقع ان يكون تبادل السلط بين رئيس الحكومة الجديد عزيز اخنوش والقديم العثماني بمقر رئاسة الحكومة بالمشور على الساعة العاشرة. بالتزامن معاه غادي يدار تبادل السلط بين اعضاء الحكومة الجديدة واعضاء الحكومة السابقة،

طبعا باستثناء وزراء بقاو فبلاصتهم بحال الداخلية والخارجية والاوقاف والمكلف بادارة الدفاع الوطني والامانة العامة للحكومة. هادو كانو وبغاو. فقضية الخارجية غادي يوقع تبادل السلط بين بوريطة وبين الجزولي اللي كان مكلف بافريقيا فالحكومة السابقة ودابا رجعات حصريا لبوريطة.

يعني اليوم غادية تولي حكومة بنعرفة من الماضي وما يبقى حتى شي وزير منها عندو شي دور. باغيين يساليو معاها قبل افتتاح البرلمان هاد العشية.