عفراء علوي محمدي- كود//
الوفيات بكورونا اليوم صدمات كلشي، 60 مغربي مات دقة وحدة بالفيروس، وهذا رقم قياسي كيخلع، وهكذا بلغ الإجمالي 2878 متوفي، بنسبة فتك ديال 1,7 فالمية.
وحسب نشرة كوفيد19 اليومية اللي علنات عليها وزارة الصحة، اليوم السبت، حتى الإصابات حطمنا فيهم الروكور، بحيث تصابو 3763، ومجموع الحالات وصل ل170911 اصابة، بمعدل إصابة ديال 470,6 لكل 100 ألف نسمة، و10,4 لكل 100 ألف نسمة فهذ 24 ساعة.
وبراو اليوم 2392 واحد، ووصل المجموع ل141381 متعافي، بنسبة تعافي ديال 83,7 فالمية.
بالنسبة للحالات النشطة فوصل عددها لـ26652 حالة، منها 523 فحالة خطيرة او حرجة.
و38 من الحالات الخطيرة تسجل غير فهذ 24 ساعة، و52 منها تحت التنفس الاصطناعي الاختراقي، ونسبة ملئ أسرة الإنعاش بلغات 26 فالمية.
واليوم تستبعدات 20237 حالة، ووصل مجموع الحالات السلبية ل2846577.
وكتتوزع الإصابات والوفيات الجديدة على الجهات والأقاليم كما يلي: