كود سبور ///

اليوم مع الخمسة العشية بتوقيت الكاميرون غادية تكون اول حصة تدريبية يديرها مدرب الاسود للعابة اللي وصلو البارح فنفس الوقت تقريبا. قبلها غادي يدير حصة صباحية يحيد بها لعيا السفر ويبداو يتعايشو مع طقس هاد الدولة الاستوائية. كاينة الحرارة والرطوبة.

البارح باش وصلو اللعابة لمطار ياوندي دارت للجميع تحليلة سريعة وكلهم٬ اللعابة والادارة الفنية واداريي الجامعة. هاد الشي واخا كلشي كانت عندو بي سي ار نيگاتيف دارت فالمغرب ولكن مراقبة الجوازات فالمطار دارت ليهم تحليلة سريعة.

اللعابة باش وصلو لقاو ممثل الكاف كيتسناهم ومعاه سفير المغرب فهاد الدولة مصطفى بوه.

مباشرة من بعد مشاو لاوطيل “مون فيبي” الشهير. تماك تعشاو وطلعو لغرفتهم.