واش هيرفي رونار كيضغط على الركراكي باش ياخد بلاصتو؟ الفرنسي جاهم من اللخر: باغي نلعب مونديال 2026
عفراء علوي محمدي- كود//
علنات وزارة الصحة على تسجيل 319 إصابة بفيروس كورونا المستجد فهذ 24 ساعة الأخيرة، وهكذا وصل عدد المصابين فالمجموع لـ13288.
وقالت مسؤولة فوزارة الصحة، فالندوة اليومية للترصد الوبائي لفيروس كورونا المستجد، أن هذ الإصابات الجديدة كتتوزع جهويا على الشكل التالي: طنجة تطوان 116، مراكش آسفي 72، فاس مكناس 70، كازا سطات 42، الرباط سلا 17، ثم العيون الساقية الحمرا 5 حالات، بينما باقي الجهات ماسجلات حتى إصابة.
وتسجلات 70 حالة شفاء اليوم، ووصل المجموع لـ9160، بنسبة تعافي د70 فالمية.
وتسجلات اليوم وفاة جديدة، ووصل العدد فالمجموع لـ230 وفاة، أي بنسبة إماتة د1,7 فالمية.
وارتفع عدد المصابين اللي مازال كيتلقاو العلاج لـ3898، 19 منهم فحالة حرجة، كلهم بسبب السن المتقدم أو الأمراض المزمنة أو هما معا.
ووصل مجموع الحالات المستبعدة لـ719206 بعد ما خرجات تحاليلهم سلبية.
وهذا التوزيع الجغرافي للإصابات بالنسبة المئوية: