عمـر المزيـن – كود//

أوضح وزير الداخلية، عبد الوافي لفتيت، اليوم الجمعة بالرباط، أن بعض المناطق السياحية تحوّل المطاعم ديالها إلى مطاعم موسيقيىة، وكذا علب ليلية، مؤكدا أن هادشي علاش تقرر إغلاق هاد المحلات في حدود الساعة الحادية عشر ليلاً.

وكشف الوزير لفتيت، في لقاء له بحضور وزير الصحة، ووزيرة السياحة، أن السلطات العمومية غادي تراجع التوقيت ديال إغلاق هاد المحلات، لكن شريطة صحاب هاد المحلات يحترمو الإجراءات ويحترمو حتى الوقت باش متحولش محلاتهم لعلب ليلية.

وحذر الوزير لفتيت فهاد اللقاء اللّي كانو فيه حتى مهنيين في القطاع السياحي من ظهور بؤر فهاد المحلات وهادشي علاش دعا إلى احترام القوانين الجاري بها العمل. دبا السلطات العمومية كيف قال لفتيت غادي تراجع التوقيت ديال الإغلاق لكن صحاب المحلات خاصهوم يلتزمو.