كود الرباط//

ناضت قربالة مرة أخرى فالبرلمان، هاد المرة بسبب جواب فاطمة الزهراء المنصوري، وزيرة اعداد التراب الوطني والسكنى والتعمير، على برلمانية من الحركة الشعبية سكينة لحموش.

البرلمانية لحموش هاجمت الوزيرة المنصوري وقالت بأنها :”جوابها فضفاض بخصوص تدبير السكن غير اللائق ودور الصفيح”، مشددة على ضرورة على التدخل العاجل واعتماد ىمقاربة تشاركية”.

الوزيرة المنصوري ردات بالقول :”انا ماشي فعاهدتي ندير الفضفاضة والكلام الفارغ خصوصا واني كندبر قطاع التراب وكنعرف اشكالاتو “، مضيفة :”وحزبكم دبر هاد القطاع لسنوات وكنا نتمناو آنذاك يحل المشكل”.

غير سالات المنصوري من مداخلتها ناضو تصفيقات عليها، غير أن رئيس الجلسة محمد اوزين طالب من النواب التوقف عن التصفيق وقال حنا ماشي فالمسرح، هادشي غضب بعض النواب وناضت مشاحنات كلامية.