كود سبور//

اقترب فريق الزمالك المصري من التعاقد مع اللاعب المغربي والنجم السابق ديال الرجاء الرياضي زكرياء الوردي لي كان فالطريق ديالو لفرنسا.

مصادر جيدة الاطلاع، كشفت على أن الزمالك المصري دخل على الخط فالصفقة ديال زكرياء الوردي، وأن الأخير كان عندو عرض ففرنسا لكن مشاكل إدارية عرقلت الالتحاق ديالو بالبطولة الفرنسية.

نفس المصادر شارت إلى أن إدارة الزمالك المصري استغلت تعثر خطوات زكرياء الوردي فالسفر لفرنسا، انطلقت فالتفاوض معه باش يحصلو على الخدمات ديالو وصولو لمراحل جد متقدمة ومن المنتظر تحسم الصفقة فالأيام القليلة المقبلة، حيث الجانب ديال المال حتى هو سهل الطريق على المصريين لقدمو عرض مهم الوردي باش يسينيو معاه عامين.

للإشارة فزكرياء الوردي انتهى العقد ديالو مع الرجاء الرياضي مع نهاية الموسم الرياضي الماضي، واللاعب كان كيفكر فالاحتراف خارج المغرب، لكن لمشاكل إدارية ما كتابش له الإحتراف ففرنسا لي جاه منها عرض.