الجدارمية د گرسيف حجزوا 800 قرعة ديال الشراب فدار گراب بمنطقة حرشة غراس
مصطفى الشاذلي – كود سبور//
الوداد البيضاوي جاب البلجيكي بول بيت وعينو مدير رياضي ديال الفرقة، أي أنه غادي يكون مشرف كذلك على الفئات الصغرى، وحتى الفريق الأول.
بول بيت دخل المغرب هادي يومين، وباشر إجراءات التعاقد ديالو مع الوداد البيضاوي، واليوم الاثنين غادي يبدا رسميا فخدمتو.
مصادر “كود”، أكد أن الناصيري، رئيس الوداد البيضاوي والمدرب البلجيكي بول بيت اتفقوا على كلشي، الفلوس ومدة العقد، لي فيها 3 سنين.
ومن المنتظر أن يجتمع بول بيت بجميع أطر الوداد البيضاوي، باش يوحد معاهم طريقة الخدمة، وغادي يحضر لونتيرمو ديال الفئات الصغرى، باش يعرف مستوى ديال اللعابة كاملين.
بول بيت عندو تجربة كبير كمدرب فلافريك، بعدما درب فراقي ومنتخات إفريقية، بحال غينيا وغامبيا وبوركينافاسو وكينيا واتحاد العاصمة الحزائري.