كود الرباط//

علمت “گود” أن محمد اليعقوبي والي جهة الرباط سلا القنيطرة، دار اجتماعات مكثفة في الايام الاخيرة باشراك المجتمع المدني ومسؤولي وزارة الصحة، لتكثيف الجهود لمحاربة تفشي المتحور دلتا.

وعقد الوالي اجتماعا له يوم الجمعة 31 مارس الماضي، مع فعاليات المجتمع المدني، بحضور المديرية الجهوية للصحة، قصد تنظيم حملات تحسيسية فعالة لتوعية الساكنة بخطورة المتحور دلتا، والدعوة الى ضرورة تلقيح جميع الفئات.

هاد الاسبوع مكاين غير الاغلاق بالنسبة اللي للمطاعم والمقاهي والبيران اللي ملتزموش بنسبة 50 في المائة من المقاعد، بحيث غير البارح تغلقو ثلاثة بيران بحي المحيط وتنبيه مقهى، وهاد الصباح جاو عند مقهى حيمي المشهورة باش تلتزم بنسبة 50 في المائة او غايكون مصيرها الاغلاق.

خطة اليعقوبي للحفاظ على استقرار الوضعية الوبائية في العاصمة، ترتكز على الصرامة ومكاينش باك صاحبي ولا عندي نفوذ، يقول مصدر مطلع على طريقة اشتغال الوالي.
دبا بزاف تسدو حيث الوضعية مقلقة، السبيطارات بدات تعمر بالمصابين، والحالات الصعبة تزادات، اذن هو تنزيل مرسوم الطوارئ اللي كيعطي صلاحيات للولاة لفرض القيود والاجراءات المشددة فهاد الحالة.