نجوى المالحي-كود//
فيوماين، وصل عدد الناس لي شاركو هاشتاكَ “Simo si minable” ضد سيمو بنبشير لكثر من 100 بوسط، وهو الهاتشاك لي جا تضامنا مع الاعلامية مريم سعيد لي سبها بكل حقارة وقال فحقها كلام طايح بعدما تزوجات.
الهاشتاكْ لي بداتو الممثلة نورا الصقلي وسعدية لديب، انضمات ليه الممثلة سمية أقريو، وسعيد الناصيري، ورشيد الادريسي، والمغنية دينا، والمغني حمزة المالكي، وصامد غيلان، ولاليست طويلة.
ولعل أكثر وحدين نايضين لسيمو هوما الصفحات الانستكرامية لي عندهم متابعين كبار بزاف، وهو مدارش شي رد فعل، وكيدير بوسطات بحالا مواقع والو.
هادشي لي دار هاد السيد لي ساكن في ميريكان قمة الحقارة، ودابة بان بدون المستوى، ومعظم المعلقين كيطالبو باش يتأكدو واش معندو علاقة بعصابة حمزة مون بيبي، وباغينو يتعاقب حيت دار التشهير لمريم سعيد بعدما شن حملة عليها ومن بعد تحطو تصاورها في الكونط المعلوم، ومن تما هادي 10 اشهر غبرات وخرجات من خدمتها ومبقا عليها لا حس لا خبر.